Менаџерите се тие кои треба да изнајдат начин како да ги разберат своите вработени, односно што ги мотивира. Тоа што е мотив за менаџерите, не значи дека е доволен мотив и за останатите вработени. Мотивацијата е процес кој често е поврзан со системот за наградување, но во некои ситуации е независен од наградите. Современиот менаџмент сè повеќе го заменува терминот награда со терминот резултат бидејќи тој е поблиску до процесот на мотивација. Во практиката мислењата на менаџерите и на вработените се различни во однос на задоволството од работата.